Web Hosting Kya Hai Kitne Prakar Ki Hoti Hai Or Hosting Kaha Se Kharide ?

dosto jab hum website ya blog banaate hai tab hume 2 chizo ki jarurat padti hai ek to Domain Name Or dusri Web Hosting humne domain name ke baare mein aapko pehele hi bata chuke hai agar aap nahi jaante ki domain name kya hai to aap hamaare is Post ko Padiye Domain Kya hai Puri jankari ise padne ke baad aap samajh jaayenge ki domain name kya hai. to dosto baat karte hai web hosting ki akhir ye kya hai. Niche humne iske baare mein vistaar se samjhaaya hai. isse pehele ki hum ye jaane ki webhosting kya hai aapko pehele ye jaan lena chahiye ki internet kya hai tabhi aap web hosting ko samajh paayenge.

Internet Kya hai ?

Internet ek Interconnected network hai. jismain files ko sasha karne ke liye TCP/IP ki mada li jaati hai. Interconnected ka matlab hai. ismain ek se jyada computer jude huye rehete hai. jese aapki site bhi kisi computer se judi huyi hai. jismian aapki site ka sara data store hoke reheta hai. use hum server kehete hai.

Web Hosting Kya Hai ?

Posted By: 🕴Bharat Singh ｜🏷In:internet,(Blogger,Seo) Learn｜⌚Last Update: 08-10-2018

web hosting hamaare website ki ek jagah hoti hai. jaha hamaare website store hoke reheti hai. jab hum internet par webhosting kharidte hai tab

isko ek udaharn ki madad se samajhte hai jis tarah manusye ko dharti pe rehene ke liye makaan ya plot kharidna hota hai usi prakar web hosting bhi internet par hamaari website ki jagah hoti hai jaha hamaari website/blog store hoke reheta hai jismain hamaare saare photos, videos, posts, or kai anye chize store hoke rehti hai. or ye 24 ghante active reheta hai. jisse hamaari website/blog hamesa online rahe.

Web Hosting Kitne Prakar Ki Hoti Hai ?

ab aap jaan chuke hai ki web hosting kya hai. ab baat karte hai ki akhir ye web hosting kitne prakar ki hoti hai. wese to web hosting kai prakar ki hoti hai lekin hum 4 webhositng ke prakaro ke baare mein jaanenge Shared Hosting, VPS Hosting, Dedicated Hosting, Cloud Hosting to chaliye inke baare mein ek ek karke samajhte hai.

Shared Hosting

Shared Hosting woh hoti hai jismain internet par ek hi server mein kai website connected reheti hai. ye aamtor par jyada economical option hai web hosting ke liye kyuki server rakhrakhaav ki kul lagaat kai customers par amortized hai. shared hosting ko hum is tarah bhi samajh sakte hai ki ek hi room mein kai kiraaydar rehete ho or wo apna apna kiraaya khud chukaate hai.

Advantage

1 is hosting ka sabse bada fayda ye hai ki ye sabse sasti hoti hai.

2 naye blogger ke liye ye hosting sabse bhadiya hosting maani jati hai.

Disadvantage

1 maanlo agar aapki website popular ho jaaye to fir ye webhosting aapki website ko dhima yaani aapki site ki loading speed kam kar deti hai.

2 High traffic ko Handle nahi kar sakti. isliye is hosting ko new blogger ke liye acchi hosting mana jata hai kyuki new blogger mein kam traffic ata hai.

VPS Hosting

ek vps hosting ek virtual machine hai jo ek Internet Hosting Service dyara seva ke rup mein bechi jaati hai. isko hum is tarah samajhte hai jese aap ek hotel mein rehte hai or uss hotel mein aapka khudka room hota hai or koi dusra aake us room mein nahi reh sakta kyuki us room par sirf aapka hi hak hai.

 usi prakar Virtual Private Hosting mein ek server ko kai alag bhaago mein bata jata hai or usmain se ek bhaag mein aapki website store reheti hai. or koi dusri website usmain nahi aa sakti hai.

Advantage

1 VPS Hosting Jyada Secure hoti hai

2 Ek acchi Performance deti hai.

3 Or ye jyada Traffic ko handle Kar Sakta Hai.

Disadvantage

1 ye hosting jyada mehengi hoti hai.

Dedicated Hosting

dedicated hosting mein pura ka pura server hi aapka hota hai jismain saari ki saari chize aapki hai. jara isko samjhiye jese aapne ek ghar kharida jismain rakhi saare chize aapki hai matlab us ghar par pura ka pura adhikar sirf aapka hai usi tarah dedicate hosting mein pura sever aapko milta hai jismain aapki website ke server ke alawa or koi dusra sever nahi hota.

Advantage

1 ye hosting jyada se jyada traffic ko handle kar sakta hai

2 High Performance deta hai

3 Ye Hosting Kaafi jyada Secure Hoti Hai

Disadvantage

1 Is Hosting Mein aapko Kaafi Paise Kharch Karne Padenge.

Cloud Hosting

is server ko sabse trustworthy sever mana jata hai wo isliye kyuki is server mein ek saath kai saare sever hote hai jisse ye fayda hota hai. ki server down hone ki problem nahi aati or high traffic par asaani se handle kiya jaa sakta hai.

Advantage

1 Cloud Hosting mein server down hone ke behad kam chances hote hai.

2 High Traffic Aane par ye use acche se Handle kar leta hai.

Disadvantage

1 ye hosting website ko Root Access nahi deti

2 or ye thoda mehegi hosting hai.

Hosting Kharidne Se Phele Jaruri Baatein:-

isse pehele ki aap koi hosting kharide usse pehele aapko ye baatein jaanna jaruri hai taaki aagein aap sahi se decide kar sake ki konsi web hosting leni hai.

Disk Space

disk space yaani storage hota hai. jismain aape blog ka sara data store hoke reheta hai. jese aapke computer ya laptop hard disk hoti hai. jismein 500GB ya 1TB aapko milti hai. isliye aap ek Unlimited Disk waala Hosting Kharide isse aapko kabhi bhi disk full hone ka khatra nahi rahega. 

Bandwidth

Bandwidth ka matlab hota hai. ki 1 second mein aapki website ke kitna data access kar sakte hai use hum bandwidth kehete hai. agar aapki website ka bandwidth kam hai or jyada visitor aapki website ko access kar rahe hai to aapki site down ho jayegi

Uptime

uptime yaani ki aapki website kitni time online reheti hai use hum uptime kehete hai. lekin kuch karano ke karan aapki site down ho jaati hai. means khul nahi pati use hum downtime kehete hai. aajkal har hosting company 99.9% uptime ki gurantee deti hai.

Customer Service

har hosting company ye dawa karti hai ki vo 24x7 hour service deti hai. magar aesa kabhi nahi hota isliye aap ek aesi hosting company le jo 24x7 sevice de jisse agar aapko hosting mein koi problem aa jaaye to aap unse contact kar apni problem unhe bata sake.

WebHositng Kaha Se Kharide ?

hum is post mein ye jaan chuke hai akhir webhosting kya hai or webhosting kitne prakar ki hoti hai. to chaliye dosto ab baat karte hai akhir webhosting kaha se kharide humne webhosting kon de sakta hai.

kisi bhi blogger ki success ke liye ek acchi Hosting kharidna behad hi jaruri hai. agar aap bhi hosting kharidna chahaate hai to niche bataaye gayi top hosting website se hosting le tabhi aap ek successful blogger ban sakte ho.

 meine yaha unhi webhosting sites ke baare bataaya hai jo behad hi popular hai. or jyada se jyada blogger inhi webhosting companies ka hi istemaal karte hai. to chliye jaante hai vo webhosting kon se hai.

Web Hosting Companies:-

ye kuch webhosting companies hai jo aapko ek bhadiya hosting service de sakti hai. jinpar jaakar aap apne blog/website ke liye hosting le sakte ho, jinke naam kuch iss prakar hai

1 Blue Host

2 Hostgator

3 Godaddy

inke alawaa bhi kai webhosting companies hai meine yaha unhi ke baare mein bataaya hai jo is samay popular hai or lagbhag sabhi blogger inhi se hosting kharidna pasand karte hai.

Last Word

to dosto aapko mera article kaisa laga jinmain meine Web Hosting Kya Hai Kitne Prakar Ki Hoti Hai Or Hosting Kaha Se Kharide.

agar aapko ye article pasand aaya ho to ise apne dosto ke saath share kare or iss post mein koi khaamiya hai to aap hume comment duyara bataaein hum aapki madad jarur karenge.